Kurti në konferencë me Thaçin: Ideja për ndarje të Kosovës ka dështuar

Views: 112
Avantgardia

Kreu i Vetëvendosjes, Albin Kurti, hapi fjalimin e tij në konferencën “Zëri i Popullit rreth ‘Finales së Madhe’” duke falënderuar të gjithë ata që, sipas tij, i kanë rezistuar përpjekjes së Serbisë për ndarje të Kosovës

Në prani të presidentit Hashim Thaçi që ishte ideator për korrigjim të kufijve, Kurti tha se tash ka arsye për gëzim mirëpo jo për festë.

“Projekti i Serbisë për ndarje të Kosovës ka dështuar ndonëse ideja nuk ka vdekur. Projekti në Serbi është quajtur kufizim me shqiptarët, për kufizim, ndërkaq në Kosovë është quajtur korrigjim i kufirit me kompromis të dhimbshëm. Mund të themi që kemi arsye për gëzim por jo edhe festë”, deklaroi ai.

Ai ka përmendur edhe letrën që dy vite më parë, më 6 korrik, ish-kryenegociatorja Edita Tahiri ia kishte dërguar përfaqësueses së BE’së Federica Mogherinit.

Kurti ka lexuar edhe letrën që ish-kryenegociatorja Tahiri i ka dërguar Mogherinit, derisa ka thënë se sa i përket bashkimit me Preshevën, Medvegjën e Bujanovcin, se pengesa për këtë është në Beograd.

“Është Vuçiqi ai që i diskriminon shqiptarët, e jo Prishtina ajo që po e ndaloka bashkimin me këto komuna”, shtoi tutje Kurti.

Sipas Kurtit, duhet të bëhet fillimisht anëtarësimi në OKB, të njihet Kosova e Serbia, e pastaj mund të flitet për korrigjim

“Na thanë le të bëhet demarkacioni bëhet liberalizimi, e bëmë atë edhe liberalizimi nuk është askund”, deklaroi i pari i Vetëvendosjes