Sport

Mkhitaryan sqaron përleshjen me Pepen: Deshi të më lëndojë qëllimisht

Henrikh Mkhitaryan ka qenë protagonist në ndeshjen miqësore mes Portos dhe Romës e zhvilluar ditë më parë.

Mesfushori armen u përplas ashpër me mbrojtësin veteran portugez të Portos, Pepe.

Veterani bëri një ndërhyrje të tmerrshme, derisa Mkhitaryan u përplas me të.

Ka qenë mesfushori armen që ka sqaruar se pse erdhi deri te zënka, duke thënë se Pepe tentoi ta lëndoj.

“E them qartësisht, që Pepe nuk ka bërë një ndërhyrje të rëndë, por një ndërhyrje për të më dëmtuar dhe për këtë u acarova shumë. Unë jam një lojtar që nuk dua të humb as në stërvitje, jo më në miqësore e ndeshje zyrtare, ndaj jap gjithçka kam kur zbres në fushë”, deklaroi Mkhitaryan.

Tutje armeni ka sqaruar edhe problemin që pati me Jose Mourinhon që nga koha e Manchester Unitedit.

“Ajo që ndodhi në Manchester, mbeti atje. Unë dhe Mou u ulëm si dy njerëz të përgjegjshëm, folëm, u sqaruam dhe vendosëm të vazhdojmë të dy bashkë te Roma, për të provuar të fitojmë”.

“Karriera mbaron shpejt dhe ato që mbahen mend janë trofetë, ndaj do të provojmë të ngremë lart titullin kampion’, u shpreh armeni.

Related Articles

Back to top button