Sot në moshën 82-vjeçare ka vdekur në Shtime, veprimtari, Shaban Ajet (Godeni) Krasniqi

Views: 965
Avantgardia

Sot në moshën 82-vjeçare ka vdekur në Shtime, Shaban Ajet (Godeni) Krasniqi. Varrimi i të nderit bëhet vetëm me anëtarët e familjes, në Shtime. Gjatë kohës kur ka punuar në Gjermani, Shaban Krasniqi, ka qenë i inkuadruar në radhët e ilegales dhe kohë pas kohe ka sjellë në Kosovë literaturë nga Shqipëria, e cila ishte e ndaluar të lexohej dhe të shpërndahej.  Po ashtu në shpërndarjen e literaturës ka kontribuar edhe vëllai i tij, mr. Sheremet Krasniqi e familjarë të tjerë. Edhe pse me arsim fillor, Shabani ka qenë lexues i apasionuar  dhe veprimtar i devotshëm i çështjes kombëtare. Një kohë ka punuar në sigurim të Rektoratit të Universitetit të Prishtinës, nga ku është larguar me rastin e aplikimit të masave të dhunshme nga regjimi i Milosheviqit, në fillim të viteve 90-të të shekullit të kaluar. Viteve të fundit ka pasur shëndet të rënduar.