Lajme

Konfirmohen 19 raste të tjera me COVID-19 njeri nga Sazlia e Ferizajt

Naser Ramadani, drejtor i Institutit Kombëtar i Shëndetësisë Publike (IKSHPK), ka njoftuar se 6 persona të infektuar me COVID-19 janë shëruar, ndërsa janë konfirmuar 19 raste të reja.

Sipas Ramadanit, ditën e sotme janë testuar gjithsej 259 mostra të marra nga rastet e hospitalizuara në Klinikën Infektive, që kanë qenë gjurmim I kontakteve të rasteve në teren, si dhe nga karantina në Qendrën e Studentëve në Prishtinë.

Rastet e reja që pozitive që janë raste kontakti janë 7 nga fshati Smrekonicë i Vushtrrisë, 3 me vendbanim në Prishtinë, 2 në Senik të Malishevës dhe nga 1 rast është në vendbanimet Llashkadrenovc të Malishevës, Sazli të Ferizajit, Ujmir të Klinës, Topanicë të Kamenicës dhe në qytetet e Gjilanit, Gjakovës dhe Vushtrrisë.

Ky është njoftimi i plotë i Ramadanit:                                                                                                               

Sot, më 07 prill 2020 në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 259 mostra të marra nga rastet e hospitalizuara në Klinikën Infektive, gjurmimi i kontakteve të rasteve në terren si dhe nga karantina në Qendrën studentore. Nga mostrat e marra për testim në virusin SARS-CoV-2, gjithsej nëntëmbëdhjetë (19) prej tyre kanë rezultuar pozitive (në tre turne testimi).

Rastet pozitive janë raste kontakti, shtatë (7) prej tyre me vendbanim në Smrekonicë-Vushtrri, tre (3) me vendbanim në Prishtinë, dy (2) me vendbanim në Senik-Malishevë dhe me nga një (1) rast nga vendbanimet në Llashkadrenovc-Malishevë, Sazli-Ferizaj, Ujmir-Klinë, Gjakovë, Gjilan, Topanicë- Kamenicë dhe Vushtrri.

Sot më 07 prill 2020, janë shëruar edhe gjashtë (6) pacientë, derisa numri i përgjithshshëm i të shëruarve deri më sot është gjithsej tridhjetë (30).

Nga data 08 shkurt deri më 07 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 2.352 mostra të dyshimta në virusin SARS-CoV-2 dhe prej tyre, pozitive rezultojnë gjithsej 184 me 5 raste të vdekjes të cilët kanë pasur sëmundje të tjera shoqëruese (rasti i fundit nga Klinika Infektive me sëmundje shoqëruese infiltrim pulmonar, diabet tip 2, nefropati diabetike, tumor i gjëndrrës mbiveshkore të majtë, hipertension arterial dhe obezitet).

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 3.589 kontakte të rasteve.

Related Articles

Back to top button