Lajme

Ramosaj: Hoti më kërkoi pezullimin e punimeve në rrugën Plavë-Deçan pas presioneve nga Sava Janjic, ambasadat dhe KFOR-i

Kryetari i Deçanit, Bashkim Ramosaj ka thënë në “Debat Plus” me Ermal Pandurin në RTV Dukagjini se probleme me rrugën Deçan-Plavë hapen sa herë që ka takime të rëndësishme ndërkombëtare për Kosovën.

Kryetari i Deçanit Bashkim Ramosaj ka thënë se në komunikimin që ka pasur me Hotin të premten dhe të shtunën ky i fundit i ka kërkuar që të pezullojë punimet.

“Hoti ka kërkuar nga unë që të pezullohen punimet për shkak të reagimeve të shumta që ka pasur edhe nga Sava Janjic, edhe nga ambasadorët e shumtë si dhe nga Gjenerali i KFOR-it. Unë e kam mirëkuptuar por kam këmbëngulë që brenda dy-tri ditëve të vazhdojmë punimet qka edhe kemi bërë sot”, tha ai, përcjell Telegrafi.

Ramosaj ka thënë se ndalimi i ndërtimit të rrugës Deçan-Plavë është problem i vjetër.

I pari i Deçanit thotë se kjo rrugë ndihmon turizmin dhe sipas tij kjo komunë është parë si komunë turistike qysh nga vitet ’70.

Ramosaj thotë se Sava Janjic asnjëherë nuk ka dhënë leje për shtrimin e rrugës Deçan-Plavë me asfalt pir vetëm me gurë.

Related Articles

Back to top button